![\"\"](\"https:\/\/www.sewales-ret.co.uk\/wp-content\/uploads\/2022\/06\/Kitchen-e1656076052889-1024x599.jpg\")
<\/p>\n<\/p>\n
Cafodd Mr W ei ddiswyddo o’i swydd flaenorol oherwydd cyflyrau iechyd parhaus. Oherwydd hyn, a heb syniad lle i droi, cafodd Mr W drafferthion ariannol a phrofi gorbryder difrifol a oedd yn ei atal rhag chwilio am gymorth ychwanegol. Dechreuodd Mr W gysgu ar soffas ffrindiau a theulu, a chafodd hyn effaith bellach ar ei gyflyrau iechyd a’r gwaith yr oedd yn gallu ei wneud.<\/p>\n
Ar \u00f4l cysylltu ag un o glybiau swyddi Gwasanaethau i Mewn i Waith Cyngor Caerdydd, mynegodd Mr W ei bryderon am ei sefyllfa ariannol a\u2019i iechyd. Soniodd y cynghorydd am ein prosiectau cyflogaeth a chymorth mentora 1-2-1. Roedd Mr W braidd yn betrusgar ond penderfynodd gael ei gyfeirio am gymorth ychwanegol. Gan ei fod wedi colli ei swydd a heb gyflwyno unrhyw gais am fudd-dal, byddai Mr W yn gymwys fel rhywun economaidd anweithgar ar gyfer Siwrne i Waith.<\/p>\n
Cyn gynted ag y sefydlodd y mentor gysylltiad \u00e2 Mr W, daeth yn amlwg y byddai’n ddoeth yn ariannol ymchwilio i hawliad PIP (Taliad Annibyniaeth Personol) ar sail cyflyrau iechyd Mr W gan gynnwys: asthma difrifol, problemau parhaus gyda’r cefn sy’n golygu na all sefyll am gyfnodau maith nac eistedd am gyfnodau maith chwaith, a dioddef o iselder a gorbryder. Gyda chymorth y t\u00eem cynghori ariannol, llwyddodd Mr W i gael cymorth i gyflwyno cais am PIP.<\/p>\n
Doedd gan Mr W ddim cerdyn adnabod dilys chwaith \u2013 roedd ei drwydded yrru wedi dod i ben adeg y pandemig \u2013 a gan fod Mr W angen ID ffotograffig i ddechrau swydd, roedd yn gwneud synnwyr i ddefnyddio ein cronfa rwystrau i adnewyddu’r drwydded yrru cyn mynd ati i sicrhau swydd neu wneud cais am hyfforddiant. Gyda chymorth y mentor, aethom i’r swyddfa bost i gwblhau cais a gwneud taliad.<\/p>\n
Gyda’r pryderon am gyflyrau iechyd Mr W, roedd yn teimlo ei fod wedi’i gyfyngu o ran y math o waith y gallai ei wneud, ond fe wnaeth y mentor drafod cyrsiau hyfforddi amrywiol a diwydiannau posib y gallai Mr W weithio ynddyn nhw.<\/p>\n
Gan ei fod yn byw ar soffas pobl eraill, cyfeiriodd y mentor Mr W at “Opsiynau Tai” hefyd ond ddaeth dim byd o hyn yn anffodus oherwydd yr ofn o orfod mynd i hostel. Penderfynodd Mr W y byddai’n well iddo ddychwelyd at ei rieni wrth inni ganolbwyntio ar ei gyflogaeth a cheisio gwella ei sefyllfa ariannol.<\/p>\n
Gan nad oedd Mr W yn gallu defnyddio cyfrifiadur i chwilio am swydd, cyfeiriodd y mentor Mr W at Addysg Oedolion i gymryd rhan mewn cwrs Sgiliau am oes BT \u2013 ond roedd angen gliniadur neu lechen arno i ddilyn y cwrs, ac nid oedd ganddo un. Felly, cyfeiriodd y mentor Mr W at y t\u00eem Digidol lle roedden nhw’n gallu rhoi llechen iddo fel y gallai Mr W gwblhau’r cwrs a gwella ei ddefnydd o gyfrifiaduron.<\/p>\n
Wrth i Mr W gwblhau’r hyfforddiant, fe wnaeth ei fentor greu CV a llythyr eglurhaol a helpu gyda nifer o geisiadau am swyddi ar-lein. Maes\u00a0 o law, daeth Mr W yn fwyfwy hyderus wrth wirio e-byst ac anfon atebion sylfaenol cyn symud ymlaen i wneud ceisiadau mwy sylfaenol am swyddi ar ei ben ei hun.<\/p>\n
Cysylltodd Mr W \u00e2’i fentor i gadarnhau ei fod wedi cael gwahoddiad i gyfweliad. Gan deimlo’n hyderus ond yn bryderus yr un pryd, roedd am gael help i baratoi ar gyfer y cyfweliad ac ymchwilio i’r cwmni a’r gwaith maen nhw’n ei wneud. Trefnodd y mentor gyfarfod \u00e2 Mr W, argraffwyd gwybodaeth am y cwmni a chynhaliwyd ffug-gyfweliad gyda chwestiynau posibl a allai godi. Cwblhaodd Mr W y ffug-gyfweliad a chynigiodd y mentor dipyn o adborth.<\/p>\n
Cwblhaodd Mr W y cyfweliad, atebodd y cwestiynau cystal ag y gallai ac roedd yn onest ac yn agored am ei gyflyrau iechyd. Dywedodd y cyflogwr eu bod yn gefnogol iawn i gyflyrau iechyd pobl, a chynigiwyd y swydd i Mr W.<\/p>\n
Derbyniodd Mr W y swydd, gan weithio fel cynorthwyydd cegin. Teimlai fod y rhai wnaeth ei gyfweld yn dangos agwedd gadarnhaol a dealltwriaeth tuag at eu staff, ac roedd yn edrych ymlaen at wella ei ffordd o fyw a’i sefyllfa ariannol.<\/p>\n
Mynegodd Mr W ei ddiolch i\u2019r prosiect a’i fentor, ac roedd Mr W, yn hapus iawn gyda’r cyflog, y lleoliad, y dyletswyddau a nifer yr oriau a gynigiwyd.<\/p>\n