CEIC (Cymunedau Arloesi’r Economi Gylchol)

Disgrifiad o’r prosiect

Mae Cymunedau Arloesi’r Economi Gylchol (CEIC) yn brosiect gwerth £3.7m a fydd yn helpu sefydliadau’r sector cyhoeddus yn Ne Cymru i gydweithio i ddatblygu atebion gwasanaeth rhanbarthol newydd i heriau presennol yr economi gylchol. Wedi’i ariannu gan Lywodraeth Cymru a Chronfa Gymdeithasol Ewrop, mae prosiect CEIC yn gydweithrediad rhwng Prifysgol Abertawe a Phrifysgol Metropolitan Caerdydd, a fydd yn cyflwyno’r rhaglen yn eu rhanbarthau penodol.

Mae rhaglen CEIC ar gael i sefydliadau’r sector cyhoeddus a’r trydydd sector ym Mhrifddinas-Ranbarth Caerdydd a Dinas-Ranbarth Bae Abertawe a bydd yn helpu arweinwyr a rheolwyr i ddatblygu atebion gwasanaeth newydd a sicrhau manteision economi gylchol i’w sefydliadau a’r rhanbarthau. Prif amcanion y rhaglen yw:

• Creu rhwydweithiau arloesi cydweithredol rhyng-sefydliad i gefnogi gweithio rhanbarthol a galluogi sefydliadau’r sector cyhoeddus i ddatrys problemau sy’n bodoli eisoes drwy ddefnyddio adnoddau, gweithdrefnau a dulliau
• Gwella gwybodaeth yr economi gylchol am sefydliadau’r sector cyhoeddus i fodloni Nodau Deddf Cenedlaethau’r Dyfodol Llywodraeth Cymru
• Gwella gwybodaeth a sgiliau arloesi a sbarduno cynhyrchiant.

Bydd y rhaglen yn cynnwys gweithdai, ymweliadau safle, dysgu gweithredol, dysgu cymheiriaid a chymorth arbenigol i alluogi rheolwyr i greu atebion cynnyrch neu wasanaeth newydd ar y cyd a’u rhoi ar waith gyda chefnogaeth. Bydd yn weithredol dros gyfnod o 10 mis a chaiff ei ariannu’n llawn ar gyfer sefydliadau/ endidau.

Cwmpas daearyddol

Mae’r prosiect yn gweithio ar draws ardaloedd rhaglenni Gorllewin Cymru a’r Cymoedd a Dwyrain Cymru.

Meini prawf cymhwyster hanfodol

Sefydliadau/endidau’r sector cyhoeddus yng Ngorllewin Cymru, y Cymoedd a Dwyrain Cymru a sefydliadau trydydd sector penodol yn y rhanbarthau hyn lle maent yn gweithio gyda nodau’r sefydliadau/endidau dan sylw yn y sector cyhoeddus neu’n cyfrannu atynt.

Targedau penodol

Nifer y prosiectau sy’n targedu gweinyddiaethau cyhoeddus neu wasanaethau cyhoeddus ar lefel genedlaethol, ranbarthol neu leol – 1

Nifer y dulliau, prosesau neu adnoddau sy’n cael eu datblygu gyda chefnogaeth – 7

Nifer yr endidau sy’n cymryd rhan mewn prosiectau sy’n targedu gweinyddiaethau cyhoeddus neu wasanaethau cyhoeddus – 16

Nifer y dulliau, gweithdrefnau ac adnoddau newydd a ddatblygwyd ac a ddosbarthwyd – 7

Manylion cyswllt

Enw: Gary Walpole
E-bost: G.L.R.Walpole@Swansea.ac.uk
Rhif ffôn: 07766 306650
Cyfeiriad: Prifysgol Abertawe, Parc Singleton, Abertawe, SA2 8PP
Gwefan:
Twitter:

Cynnydd

• Symudoli wedi’i gwblhau
• Marchnata a hyrwyddo ar waith
• Recriwtio sefydliadau/endidau cyfranogol ar droed