Cliciwch lun i lawrlwytho PDF
Mae Academi Deunyddiau a Gweithgynhyrchu (M2A) yn fenter gan Brifysgol Abertawe sy’n cynnig ymchwil ôl-raddedig o dan arweiniad diwydiant ym maes deunyddiau a gweithgynhyrchu. Ariennir y fenter yn llawn gan WEFO, EPSRC a’r diwydiant, a gall M2A gynnig 24 o leoliadau EngD ac 8 lleoliad ymchwil MSc, y flwyddyn. Nod y prosiect yw gwella sgiliau 165 o unigolion ym maes Deunyddiau a Gweithgynhyrchu, a’u galluogi i gefnogi diwydiant Cymru yn ei hymgais i fod yn arweinydd byd-eang ym maes technoleg.
Mae M2A yn cynnig cyfle i’r diwydiant gydweithio ar brosiectau ymchwil, gan gynnig dull hygyrch a fforddiadwy o gyfrannu at waith ymchwil y brifysgol. Bydd prosiectau EngD yn costio £9000 y flwyddyn a phrosiectau MSc yn costio £4,195 y flwyddyn.
Mae M2A yn cynnig lleoliadau doethuriaeth a gradd meistr ymchwil a ariennir yn llawn. Bydd hyn yn cynnwys ffioedd dysgu, costau prosiect a bwrsariaeth i dalu costau byw o £20,000 y flwyddyn ar gyfer lleoliadau Doethur a £12,500 y flwyddyn ar gyfer lleoliadau MSc.
Gweithredir y prosiect ledled ardal rhaglen Gorllewin Cymru a’r Cymoedd.
Nid oes unrhyw gyfyngiadau daearyddol ar brosiectau ymchwil a noddir gan y diwydiant.
Mae’n rhaid bod ymgeiswyr ymchwil yn byw yng Ngorllewin Cymru a rhanbarth y Cymoedd ar adeg cofrestru.
Bydd M2A yn hyfforddi o leiaf 165 o unigolion i lefel gradd meistr neu ddoethuriaeth ym maes peirianneg.
Y Tîm Ymgysylltu Rhanbarthol
Y Swyddfeydd Dinesig, Stryd yr Angel, Pen-y-bont ar Ogwr, CF31 4WB
Ff: 01656 815327 | E: SEWalesRET@bridgend.gov.uk | @SEWalesRET 
© Cyngor Bwrdeistref Sirol Pen-y-bont ar Ogwr | Dyluniwyd gan United Graphic Design
