Taflen ffeithiau prosiect

Taflen ffeithiau prosiect

Cliciwch lun i lawrlwytho PDF

SMARTExpertise

Disgrifiad o’r prosiect

Mae SMARTExpertise yn cefnogi prosiectau cydweithredol rhwng diwydiant a sefydliadau ymchwil yng Nghymru, sy’n mynd i’r afael â heriau technegol diwydiannol strategol gyda phwyslais clir ar fasnacheiddio ac elwa ar gynhyrchion, prosesau neu wasanaethau newydd a thwf mewn capasiti a’r gallu mewn meysydd allweddol o Arbenigo Clyfar.

Nod SMARTExpertise yw:

  • cynyddu masnacheiddio ym maes Ymchwil, Datblygu ac Arloesi o fewn sefydliadau ymchwil ar y cyd â diwydiant.
  • Annog busnesau ac ymchwilwyr i weithio gyda’i gilydd ar brosiectau arloesi ym meysydd gwyddoniaeth, peirianneg a thechnoleg sydd o bwys strategol
  • Helpu i sicrhau cyllido dilynol a gaiff ei ddyrannu’n gystadleuol
  • Helpu i ddatblygu’r arbenigedd ym maes Ymchwil a Datblygu, ynghyd â chapasiti mewn sefydliadau ymchwil ac yn y diwydiant gan greu Clystyrau Arloesi

Rhagor o wybodaeth:  https://businesswales.gov.wales/expertisewales/cy/smartexpertise

Model Cyflawni

Darperir SMARTExpertise gan dîm profiadol ym maes arloesi, trosglwyddo gwybodaeth a thechnoleg, sydd wedi gweithio ym maes diwydiant, y sector cyhoeddus ac academia. Mae gan y tîm lawer o brofiad yn ymgysylltu ag academia a diwydiant, ac yn flaenorol wrth gyflenwi mewn cysylltiad â phrosiectau a ariennir gan yr UE.

Mae’r Rheolwyr Ymchwil a Datblygu yn chwarae rhan allweddol o ran cyflawni gan eu bod yn nodi ac yn cwmpasu prosiectau cydweithredol rhwng sefydliadau ymchwil a diwydiant. Bydd tîm SMARTExpertise yn ychwanegu gwerth drwy weithio’n agos gyda SMARTInnovation, SMARTCymru, gweithrediadau Gwyddoniaeth Amgylcheddol a Thechnoleg eraill, rhaglenni Ymchwil, Datblygu ac Arloesi y DU a’r UE, ynghyd â Horizon 2020.

Bydd arbenigwyr arloesi SMARTInnovation yn gweithio mewn modd integredig iawn gyda’r Rheolwyr Ymchwil a Datblygu, gan sicrhau gwell gysylltiadau cyfathrebu rhwng y partïon.

Mae’r cyllid yn cefnogi 100% o gostau prosiect cymwys y sefydliadau ymchwil a fydd yn cyfateb i uchafswm o 50% o gyfanswm y costau prosiect sy’n gymwys. Mae’r partneriaid diwydiannol yn darparu balans cyfanswm costau’r prosiectau cymwys sy’n weddill. Rhoir y cyllid i’r sefydliad ymchwil.

Cwmpas daearyddol

Bydd y prosiect o fudd i bob ardal awdurdod lleol yng Nghymru.

Meini prawf cymhwyster hanfodol

Bydd cyllid ar gael i gynorthwyo 100% o’r costau prosiect sy’n gymwys ar gyfer sefydliadau ymchwil a bydd hyn yn cyfateb i gyfanswm o 50% o’r holl gostau prosiect sy’n gymwys. Bydd y partneriaid diwydiannol yn darparu gweddill y balans o gyfanswm y costau prosiect sy’n gymwys. Caiff y cyllid ei ddyfarnu i’r sefydliad ymchwil. Mae angen cael o leiaf un sefydliad ymchwil Cymreig a 2 bartner nad ydynt yn academaidd.

Nid oes cyfyngiadau ar faint neu leoliad y partneriaid diwydiannol. Fodd bynnag, mae’n rhaid i’r prosiect ddangos ei fod yn gydweithrediad effeithiol a fydd yn darparu effeithiau cadarnhaol ar gyfer economi Cymru.

Oes y prosiectau: Mae’n rhaid i weithgaredd y prosiect orffen heb fod yn hwyrach na 1 Awst 2022

Nid yw gwaith ymchwil ar gontract a’r ddarpariaeth o wasanaethau ymchwil yn gymwys.

Targedau penodol

EW WWV
Nifer y mentrau sy’n cydweithio â sefydliadau ymchwil a gynorthwyir 212 120
Cynyddu cyflogaeth mewn mentrau a gynorthwyir. 110 63
Nifer y mentrau a gefnogir i gyflwyno cynhyrchion newydd i’r farchnad. 32 18
Nifer y mentrau a gefnogir i gyflwyno cynhyrchion newydd i’r cwmni. 48 27
Nifer y patentau a gofrestrwyd ar gyfer cynhyrchion. 53 30

Manylion cyswllt

Enw: Leanne Thomas
E-bost: smartexpertise@gov.wales
Rhif ffôn: 0300 061 5963
Cyfeiriad: Swyddfeydd Llywodraeth Cymru, Main Avenue, Ystad Ddiwydiannol Trefforest, Pontypridd, Rhondda Cynon Taf, CF37 5YR

Gwefan: WordPress › Error
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47,