Cliciwch lun i lawrlwytho PDF
Rhaglen arloesi ac ymchwil yw Infuse a gynlluniwyd i feithrin sgiliau a chapasiti ar gyfer gwasanaethau cyhoeddus arloesol yn y dyfodol ar draws Prifddinas-Ranbarth Caerdydd. Cefnogir Infuse gan Gronfa Gymdeithasol Ewrop drwy Lywodraeth Cymru ac mae’n gydweithrediad rhwng Prifysgol Caerdydd, Y Lab, Nesta, Swyddfa Bargen Ddinesig Prifddinas-Ranbarth Caerdydd a’r deg awdurdod lleol sy’n ffurfio’r rhanbarth, gan gynnwys Cyngor Sir Fynwy fel y partner arweiniol. Bydd y rhaglen yn seiliedig ar gyfleoedd i fynd i’r afael â chwestiynau bywyd real, wedi’u sbarduno gan yr heriau mwyaf sy’n wynebu’r rhanbarth.
Bydd partneriaid a chyfranogwyr Infuse yn nodi amrywiaeth o heriau neu broblemau sy’n cael eu rhannu ar draws y rhanbarth. Gallai’r rhain gynnwys datgarboneiddio, teithio llesol, tai neu ofal cymdeithasol. Gan ddefnyddio’r heriau hyn a rennir, byddwn yn dod â thimau trawsranbarthol at ei gilydd ym mhob un o’r tri maes sgiliau i weithio tuag at ddatrys rhan o’r her hon, gan ddefnyddio adnoddau a dulliau newydd.
Bydd timau’n derbyn tua thri mis o hyfforddiant a chymorth gyda sgiliau, adnoddau a dulliau newydd, ac wedyn tri mis o hyfforddi yn eu sefydliadau eu hunain wrth iddynt fynd yn ôl i’w rhoi ar waith, gan helpu i newid dyfodol y ddarpariaeth o wasanaethau cyhoeddus am flynyddoedd i ddod; a datblygu sgiliau a chapasiti arloesi newydd drwy fynd i’r afael â heriau gwasanaethau cyhoeddus rhanbarthol.
Bydd y rhaglen yn weithredol tan 2023, gan weithio gyda thri grŵp o weithwyr awdurdodau lleol a’r sector cyhoeddus o bob rhan o Brifddinas-Ranbarth Caerdydd.
Mae’r prosiect yn cwmpasu Prifddinas-Ranbarth Caerdydd: Blaenau Gwent, Pen-y-bont ar Ogwr, Caerffili, Caerdydd, Merthyr, Sir Fynwy, Casnewydd, Rhonda Cynon Taf, Torfaen a Bro Morgannwg.
Gweision Cyhoeddus o’r deg awdurdod lleol ym Mhrifddinas-Ranbarth Caerdydd. Gobeithiwn ehangu’r cyfle i gefnogi cyfranogwyr eraill yn y Sector Cyhoeddus, y Sector Preifat a’r Trydydd Sector yn y dyfodol agos.
Linked In: https://www.linkedin.com/company/infuse2023/
Mae Infuse wedi gweithio gydag arweinyddiaeth Wleidyddol a Swyddogion y 10 awdurdod lleol ym Mhrifddinas-Ranbarth Caerdydd. Drwy’r ymgysylltu hwn, dewiswyd y ddwy thema allweddol yn ogystal â’r cwestiynau cysylltiedig:
C: Beth mae’n ei olygu i ddatgan Argyfwng Newid Hinsawdd?
C: Beth yw’r Modelau Gweithredu Newydd ar gyfer Awdurdodau Lleol ar ôl COVID-19?
Mae rhaglen Infuse wedi recriwtio bron pob un o’r ugain aelod o’r tîm rheoli, ymchwil a darparu rhaglenni rhyngddisgyblaethol cadarn.
Mae Infuse wedi cyflwyno dau grŵp ffocws i ddarpar ymgeiswyr brofi a mireinio darpariaeth rhaglen Infuse. Cyflwynwyd sesiynau ar 5ed Mawrth ac 11eg Mawrth a gwnaethom ymgysylltu ag 19 o swyddogion awdurdodau lleol o wyth o’r awdurdodau lleol wrth gynllunio’r rhaglen.
Cohort Alpha yw’r prototeip sydd wedi’i ddatblygu i ymateb i effaith COVID-19 a chaniatáu dysgu dwys i grwpiau dilynol. Bydd Cohort Alpha yn dechrau ar Fai 4ydd 2021.
Mae tîm Infuse wedi bod yn gweithio’n galed ar gam ysgogi’r rhaglen gan weithio gyda WEFO a phartneriaid eraill i greu’r amodau i sicrhau bod y rhaglen yn llwyddiant a’n bod yn cydymffurfio â’n hymrwymiadau ariannu.
Mae Brand Infuse wedi cael ei ddatblygu ochr yn ochr â chynllun Cyfathrebu a Marchnata cynhwysfawr. Mae Infuse wedi lansio cyfres o bodlediadau a fydd yn cefnogi’r gwaith o hyrwyddo a rhannu’r dysgu o’r rhaglen. https://soundcloud.com/user-568940979-16472132/infuse-the-podcast-ep1-kellie-beirne
Y Tîm Ymgysylltu Rhanbarthol
Y Swyddfeydd Dinesig, Stryd yr Angel, Pen-y-bont ar Ogwr, CF31 4WB
Ff: 01656 815327 | E: SEWalesRET@bridgend.gov.uk | @SEWalesRET 
© Cyngor Bwrdeistref Sirol Pen-y-bont ar Ogwr | Dyluniwyd gan United Graphic Design
