Nod yr ymgyrch yw cefnogi’r rhai hynny sydd rhwng 11 a 24 oed i leihau’r posibilrwydd na fyddant mewn addysg, cyflogaeth na hyfforddiant (NEET) ar ôl gadael yr ysgol drwy ddarparu ymyraethau cynnar a fydd yn gwella dangosyddion fel presenoldeb, cyrhaeddiad, ymddygiad a lles.
Mae’r ymgyrch Ysbrydoli i Gyflawni (Dwyrain Cymru) yn rhoi pwyslais amlwg ar ymgysylltu â’r rhai hynny y nodwyd eu bod fwyaf mewn perygl mewn lleoliadau addysg. Pan fydd yr unigolyn ifanc yn ymgysylltu â’r ymgyrch datblygir cynllun asesu cyfannol a chynllun gweithredu personol, ar y cyd ag ef. Bydd hwn yn cynnwys asesiad cychwynnol yn rhan o offeryn mesur datblygiad, i asesu pam y cyfeiriwyd yr unigolyn ifanc ac i ddeall yr hyn sydd angen ei ddatblygu a’i wella i sicrhau bod y risg o fod yn NEET yn cael ei leihau.
Mae’r prosiect yn gweithio ar draws yr ardaloedd awdurdod lleol canlynol yn Nwyrain Cymru: Caerdydd, Casnewydd, Sir Fynwy a Bro Morgannwg.
Pobl ifanc (11 – 24 oed) a nodwyd drwy ddefnyddio Offerynnau Nodi yn Gynnar ac Asesiadau Sgrinio mewn Addysg Bellach yr awdurdod lleol eu bod fwyaf mewn perygl o fod yn NEET ar ôl gadael y ddarpariaeth addysg y maent ynddi.
Mae gan yr ymgyrch 3 phrif ganlyniad y bydd yn gweithio i gefnogi’r bobl ifanc sydd wedi eu hymgysylltu i’w cyflawni sef: