Taflen ffeithiau prosiect

Taflen ffeithiau prosiect

Cliciwch lun i lawrlwytho PDF

Cronfa Tyfu Busnesau Cymdeithasol

Disgrifiad o’r prosiect

Mae Cronfa Tyfu Busnesau Cymru yn cefnogi busnesau cymdeithasol yng Nghymru yn ariannol i’w galluogi i dyfu a chreu cyfleoedd am swyddi. Mae cymorth ariannol o hyd at £150,000 ar gael yn y Gorllewin a’r Cymoedd, a £125,000 yn Nwyrain Cymru. Mae’n ofynnol cael 40% o arian cyfatebol o’r cyfanswm cost yn y Gorllewin a’r Cymoedd a 50% yn Nwyrain Cymru.

Model Cyflawni

Cyflawnir Cronfa Tyfu Busnesau Cymru drwy fodel arloesol  lle dyfarnir 40% o’r cyllid ar ffurf grant traddodiadol a’r gweddill 60% fel cymorth ariannol ad-daladwy.  Gellir lleihau’r swm ad-daladwy drwy ragori ar y cyraeddiadau neu ar y targedau creu swyddi. Telir yn ôl unrhyw swm o’r cymorth ariannol ad-daladwy sydd ar ôl dros gyfnod o hyd at 5 mlynedd, ar ôl diwedd y prosiect 18 mis, gyda  llog 0%.

Gellir cyflwyno cais ar-lein drwy e-tenderWales. Mae’r broses gais yn cynnwys dau gam, yr holiadur cymhwysedd, a’r Cais am Gymorth Ariannol ar gyfer y rhai sy’n pasio’r holiadur cymhwysedd.

Cwmpas daearyddol

Bydd y prosiect o fudd i bob ardal awdurdod lleol yng Nghymru.

Meini prawf cymhwyster hanfodol

Strwythurau cyfreithiol y sefydliadau cymwys yw:

  • Cwmni Cyfyngedig Drwy Warant
  • Sefydliad Corfforedig Elusennol (CIO)
  • Cwmnïau Buddiannau Cymunedol (CIC) (gan gynnwys y rhai cyfyngedig drwy gyfranddaliadau)
  • Cymdeithas Ddiwydiannol a Darbodus (IPS) ar ffurf Cymdeithas Budd Cymunedol (BenCom)
  • Cwmnïau Cydfuddiannol Ariannol
  • Cwmni Cyfyngedig drwy gyfranddaliadau lle cedwir pob cyfranddaliad gan un o’r uchod (h.y.  is-gwmni busnes cymdeithasol ym mherchnogaeth lwyr Elusen)

Targedau penodol

Creu swyddi o ganlyniad i weithgarwch wedi’i ariannu. Pennir targedau ar sail y lefel o ariannu a ddyfernir ac mae’n cyfateb i £20,000 o gyllid ar gyfer pob swydd a grëir ac a gedwir.

Manylion cyswllt

Enw: Alun Jones
E-bost: sic@wcva.org.uk
Rhif ffôn: 0800 2888 329
Cyfeiriad: Cyngor Gweithredu Gwirfoddol Cymru (WCVA), Tŷ Baltic, Mount Stuart Square, Caerdydd, CF10 5FH
Gwefan: WordPress › Error
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47,