Sefydlwyd Bwrdd Llywio Ynni CCR, gan gynrychioli sefydliadau megis Clwstwr Diwydiannol De Cymru, Cyfoeth Naturiol Cymru, a’r deg awdurdod lleol, yn ogystal â phedwar llif gwaith blaenoriaeth pwysig (Trafnidiaeth, Domestig, Diwydiannol a Masnachol ac Ynni Adnewyddadwy). Dros yr haf, mewn partneriaeth â’r Ymddiriedolaeth Garbon, cynhaliwyd gweithdai i helpu i greu cynllun gweithredu a map cyfeiriad ar gyfer y dyfodol a fydd, yn y pendraw, yn golygu cyfres o ymyraethau i sicrhau ein bod ar y trywydd iawn i leihau allyriadau o’n system ynni 55% erbyn 2035 ac i fod yn sero net erbyn 2050.
Ym mis Mehefin, cytunodd y Cabinet Rhanbarthol i ymrwymo i’r ymgyrch fyd-eang, Race to Zero, ac ymrwymo i’r Prosiect Datgelu Carbon, sy’n system ddatgelu amgylcheddol fyd-eang sy’n helpu dinasoedd, rhanbarthau a chwmnïau i ddatgelu eu data a’u heffaith amgylcheddol.
Rhoddwyd cymeradwyaeth lawn hefyd ym mis Mehefin i’r CCR ymrwymo i’r Prosiect Datgelu Carbon, sy’n system ddatgelu amgylcheddol fyd-eang sy’n helpu dinasoedd, rhanbarthau a chwmnïau i ddatgelu eu data a’u heffaith amgylcheddol.
Y Tîm Ymgysylltu Rhanbarthol
Y Swyddfeydd Dinesig, Stryd yr Angel, Pen-y-bont ar Ogwr, CF31 4WB
Ff: 01656 815327 | E: SEWalesRET@bridgend.gov.uk | @SEWalesRET 
© Cyngor Bwrdeistref Sirol Pen-y-bont ar Ogwr | Dyluniwyd gan United Graphic Design
